અહેવાલ – અલ્પેશ ડાભી ભાવનગર
પશુઓમાં દૂધનું ઉત્પાદન વધારવા માટે વપરાતા જીવલેણ અને ગેરકાયદેસર એવા ઓક્સિટોસિન ઇન્જેક્શનના વેચાણ પર એસઓજી (Special Operations Group) પોલીસે લાલ આંખ કરી છે. ભાવનગરના પાલીતાણામાં આવેલા એક પ્રોવિઝન સ્ટોરમાંથી પોલીસે લાખોની કિંમતનો મુદ્દામાલ જપ્ત કરી એક શખ્સની ધરપકડ કરી છે.મળતી વિગતો અનુસાર, પાલીતાણામાં આવેલા ‘સોહીલ પ્રોવિઝન સ્ટોર’ માં કોઈપણ પ્રકારના લાયસન્સ વગર પશુઓને આપવામાં આવતા ઓક્સિટોસિન ઇન્જેક્શનનું વેચાણ થઈ રહ્યું હોવાની ચોક્કસ બાતમી પોલીસને મળી હતી. બાતમીના આધારે એસઓજી પોલીસે સ્ટોરમાં સર્ચ ઓપરેશન હાથ ધરતા ચોંકાવનારો ખુલાસો થયો હતો.પોલીસે દરોડા દરમિયાન સફેદ પ્રવાહી ભરેલી ટોટી: 6200 નંગ (2 ML ક્ષમતા)SAFWAY ઇન્જેક્શન: 300 નંગ (5 ML ના બોક્સ)પ્રવાહી ભરેલી બોટલ: 50 નંગ (200 ML ક્ષમતા)કુલ કિંમત: આશરે ₹54,598/- નો મુદ્દામાલ જપ્ત કરવામાં આવ્યો છે.આ ગેરકાયદેસર પ્રવૃત્તિમાં સંડોવાયેલા સાજીદભાઈ શરમાળી નામના વ્યક્તિની પોલીસે ઘટનાસ્થળેથી ધરપકડ કરી છે. લાયસન્સ વગર અને પ્રતિબંધ હોવા છતાં આટલો મોટો જથ્થો ક્યાંથી લાવવામાં આવ્યો અને આ રેકેટમાં અન્ય કોણ સામેલ છે તે દિશામાં પોલીસે તપાસ તેજ કરી છે.
