અહેવાલ – પારસ ગાંધી સિટી સમાચાર
નગર પ્રાથમિક શિક્ષણ સમિતિ બોટાદ સંચાલિત શ્રી દયાનંદ સરસ્વતી પ્રાથમિક શાળા નંબર 15 બોટાદમાં ગુજરાત સરકારના શિક્ષણ વિભાગના માર્ગદર્શન મુજબ પ્રગતિનો પ્રવેશોત્સવ અને કન્યા કેળવણી મહોત્સવ 2026 ઉજવવામાં આવ્યો.
આ કાર્યક્રમમાં નગરપાલિકા બોટાદના પ્રમુખ અશ્વિનભાઈ ખસિયા, નગર પ્રાથમિક શિક્ષણ સમિતિ બોટાદના ચેરમેન પ્રતિકભાઈ વડોદરિયા સાહેબ, બોટાદ શહેર ભાજપ પ્રમુખ કિરીટભાઈ પાટીવાળા, નગર પ્રા. શિક્ષક ઘટક સંઘ ગુજરાતના ઉપપ્રમુખ રણજિતભાઈ ગોવાળિયા, બોટાદ જિલ્લા ભાજપ મહામંત્રી ચંદુભાઈ સાવલિયા, જાયન્ટ્સ ગ્રૂપ ઓફ બોટાદના પ્રમુખ ડૉ. પ્રશાંતભાઈ કળથિયા, કેતનભાઈ રોજેસરા, રાજુભાઈ ડેરૈયા, શિક્ષણ સમિતિના સભ્યો, કમાભાઈ મીર, વનરાજભાઈ રાઘવાણી તથા વોર્ડના અન્ય સભ્યો, શાળા ના એસએમસીના અધ્યક્ષ અને સભ્યશ્રીઓ, દાતાશ્રીઓ તથા બહોળી સંખ્યામાં વાલીઓ ઉપસ્થિત રહ્યા હતા. ઢોલ નગારા સાથે બાળકોને મહેમાનો દ્વારા શાળામાં પ્રવેશ અપાવવામાં આવ્યો હતો. આ કાર્યક્રમમાં મહેમાનો દ્વારા દીપ પ્રાગટ્ય કરી ત્યારબાદ સમુહ પ્રાર્થના કરવામાં આવેલ. શાળાની બાળાઓ દ્વારા મહેમાનોનું પુસ્તકથી તથા શાળાના આચાર્ય આશિષભાઈ ચંદ્રાણી દ્વારા મહેમાનોનું શાબ્દિક સ્વાગત કરવામાં આવેલ.
બાલવાટિકા અને ધોરણ-૧ માં પ્રવેશ પામતા 41 બાળકોને રાજ્ય સરકાર દ્વારા આપવામાં આવેલ પુસ્તકો આપી મહેમાનો દ્વારા પ્રવેશ આપવામાં આવેલ. જાયન્ટ્સ ગ્રુપ ઓફ બોટાદ તરફથી પ્રવેશ પામતા તમામ બાળકોને શૈક્ષણિક કીટ વિતરણ કરવામાં આવેલ. ધોરણ 5 ની વિદ્યાર્થીનીઓ દ્વારા મનુષ્ય તું બડા મહાન હે ગૌરવ ગાન નૃત્ય સાથે રજૂ કર્યું અને ધોરણ 3 થી 5 ના બાળકો દ્વારા યોગ નિદર્શન રજૂ કરવામાં આવ્યું હતું. શાળાની વિદ્યાર્થીની ભક્તિ પરમારએ વક્તવ્ય રજૂ કર્યું હતું. ધોરણ 3 થી 8 માં ગત વાર્ષિક પરીક્ષામાં પ્રથમ નંબર મેળવેલ વિદ્યાર્થીઓ અને જ્ઞાન સેતુ, જ્ઞાન સાધના, NMMS જેવી પરીક્ષાઓમાં મેરીટમાં આવનાર અને 100% હાજરી વાળા વિદ્યાર્થીઓને મહેમાનોના હસ્તે ઈનામ આપી પ્રોત્સાહિત કરવામાં આવેલ હતા. શાળામાં દાન આપનાર દાતાશ્રીઓનું સન્માન કરવામાં આવ્યું હતું. શાળાના શિક્ષક પંકજભાઈ ત્રિવેદી દ્વારા કાર્યક્રમની આભાર વિધિ કરવામાં આવી હતી. ત્યારબાદ મહાનુભાવો દ્વારા સમગ્ર શાળાની મુલાકાત કરવામાં આવી બાલવાટિકા અને પ્રયોગશાળા વર્ગોને ખુલ્લા મુકવામાં આવ્યા અને વૃક્ષારોપણ કરવામાં આવ્યું હતું.
