તા.૧૫/૦૭/૨૦૨૬થી ઓનલાઈન પ્રક્રિયાનો પ્રારંભ; તા.૧૫/૦૭/૨૦૨૬થી તા.૧૭/૦૭/૨૦૨૬ સુધી અરજી અને તા.૧૭/૦૭/૨૦૨૬થી તા.૧૯/૦૭/૨૦૨૬ના રોજ સાંજે ૦૪.૦૦ કલાક સુધી બિડિંગ પ્રક્રિયા હાથ ધરાશે.
બોટાદવાહન વ્યવહાર કચેરી, બોટાદ દ્વારા નોન ટ્રાન્સપોર્ટ GJ33N ટુ વ્હીલર, ફોર વ્હીલર GJ33K તથા ટ્રાન્સપોર્ટની GJ33Tની સિલ્વર-ગોલ્ડન સિરીઝનું ઈ-ઓક્શન તા.૧૫/૦7/૨૦૨૬થી શરૂ કરવામાં આવશે. આ સિરીઝના ગોલ્ડન-સિલ્વર નંબર મેળવવા ઈચ્છુક વાહનચાલકો તેમના વાહનોનું parivahan.gov.in પર ઓનલાઈન રજિસ્ટ્રેશન કરીને ઈ-ઓક્શનમાં ભાગ લઈ શકશે.વાહન ખરીદ્યાને ૩૦ દિવસ થયા હોય અથવા નવું વાહન ખરીદવાનું હોય તેવા અરજદારો ઓનલાઈન રજીસ્ટર એપ્લિકેશન કરી જરૂરી ફી તથા કરની ભરપાઈ કર્યા બાદ એઆરટીઓ કચેરી, બોટાદ માટે પસંદગી નંબરનું ઓનલાઈન ટેન્ડર બીડ ભરી ઈ-ઓક્શનમાં ભાગ લઈ મનગમતો પસંદગી નંબર મેળવી શકશે. ઉપરાંત, વાહન ખરીદ્યાના દિવસ-૭ (સાત)માં સી.એન.એ. ફોર્મ ઓનલાઈન ભરવાનું રહેશે. અરજદારો તેમના પર્સનલ લોગીન દ્વારા આ માટેની કાર્યવાહી parivahan.gov.in વેબસાઈટ પર પૂર્ણ કરી શકશે.આ સિરીઝના ગોલ્ડન અને સિલ્વર નંબર માટે તા.૧૫/૦૭/૨૦૨૬થી તા.૧૭/૦૭/૨૦૨૬ સુધી ઓનલાઈન અરજી કરવાની રહેશે. તેમજ તા.૧૭/૦૭/૨૦૨૬થી તા.૧૯/૦૭/૨૦૨૬ના રોજ સાંજે ૦૪.૦૦ કલાક સુધી ઓનલાઈન ઓક્શનમાં બિડિંગ પ્રક્રિયા પૂર્ણ કરવામાં આવશે. જે અરજદારોએ સી.એન.એ. ફોર્મ સાત દિવસની અંદર ઓનલાઈન સબમીટ (જમા) કરેલ હશે, તેઓ જ પસંદગી નંબર માટેનું ટેન્ડર ભરી શકશે. જેની ખાસ નોંધ લેવા જણાવાયું છે.ઉપરાંત, કચેરીમાં જરૂરી ફોર્મ જમા કરાવવાના રહેશે. તેમજ ઉપર્યુક્ત હરાજીમાં ટેક્નીકલ ખામીને કારણે હરાજી રદ કરવાની સત્તા આર.ટી.ઓ.ની અનામત રહેશે, તેમ સહાયક પ્રાદેશિક વાહન વ્યવહાર અધિકારી ની યાદીમાં જણાવાયું છે.
