અહેવાલ – પારસ ગાંધી સિટી સમાચાર બોટાદ
સમગ્ર બોટાદ જિલ્લામાંથી ખેલ મહાકુંભ સ્પર્ધામાં રગ્બી ગેમમાં,RAKVB શાળાની બાર ખેલાડી સ્ટેટ લેવલ સ્પર્ધામાં સિલેક્ટ થઈ હતી.જે જિલ્લાની ચેમ્પિયન ટીમ આગળ,ગાંધીનગર ખાતે યોજાયેલી,રાજ્ય લેવલ ખેલ મહાકુંભ સ્પર્ધામાં બે મેચ જીતી સેમી ફાઇનલમાં પ્રવેશ કર્યો હતો.મહેનત,શિસ્ત,ઉત્સાહ અને પ્રતિભાવાન યુવા ખેલાડી બહેનોની ટીમે અનોખી સિદ્ધિ હાંસલ કરી હતી.તેમના કોચ ગોપીબેન મકવાણાએ,ખૂબ સારી પ્રેક્ટિસ કરાવી માર્ગદર્શન સાથે તેમને આ લેવલ સુધી પહોંચાડી,બોટાદ જિલ્લાને ગૌરવ અપાવ્યું હતું. જિલ્લા ચેમ્પિયન ટીમમાં કેપ્ટન ઈશા સાકરિયા,બારડ ધ્રુવિશાબા, ભાટી રાજવીબા,જોગરાણા માનસી,માંથોળિયા આરવી, કળથીયા ત્વિશા,રાઠોડ હિતાક્ષીબા, કળથીયા જીલ,વાળા ધાર્મિબા,જોશી બંસરી,શાહ ફાતિમા, વડીયા ખુશી,ધોળકિયા જેની વગેરે બહેનોએ રાજ્યકક્ષામાં સેમી ફાઇનલમાં રમી, વિશિષ્ટ સિદ્ધિ હાંસલ કરેલ છે.બોટાદ ડીઈઓ ભરતસિંહ વાઢેર, ડીપીઈઓ પ્રભાતસિંહ મોરી,જિલ્લા રમત ગમત અધિકારી પરમાર રોહિતસિંહ,જિલ્લા રમત ગમત વિકાસ અધિકારીદિલીપકુમાર મિશ્રા,જિલ્લા શિક્ષણ સેલ સંયોજક મયૂરસિંહ ભાટી, RAKVB શાળાના સમસ્ત ટ્રસ્ટીગણ અને શાળાના આચાર્ય મનીશભાઈએ,સમગ્ર જિલ્લાની રગ્બી ચેમ્પિયન ટીમને ખુબ ખુબ શુભેચ્છા સાથે અભિનંદન પાઠવી પ્રોત્સાહિત કરેલ.
