હુસામુદ્દીન કપાસી દ્વારા – જસદણ જસદણ સુન્ની મુસ્લિમ સમાજના મહિલા કુલસમબેન ગફુલભાઈ મીઠાણીએ રાજ્યના ડાયનેમિક મુખ્યમંત્રી ભુપેન્દ્રભાઈ પટેલને એક પત્ર પાઠવી જેમાં ગુજરાતની ગરીબ વર્ગની જે મહિલાઓ છે એમને માટે લાડલી બેન યોજના શરૂ કરી આર્થિક સહાય અને ગેસનો બાટલો રૂપિયા ૫૦૦માં આપવા માટે માંગ કરી છે કુલસુમબેનએ પત્રમાં વધુમાં જણાવ્યું હતું કે દેશના અનેક રાજ્યમાં સરકાર દ્વારા દર માસે લાડલી બહેન યોજના હેઠળ આર્થિક સહાય આપવામાં આવે છે અને ગેસ સિલિન્ડર ફ્કત ૫૦૦ રૂપિયામાં અપાય છે આ યોજના ગુજરાતમાં નથી દેશના વડાપ્રધાન નરેન્દ્રભાઈ મોદી અને ગૃહ પ્રધાન અમિતભાઈ શાહ પણ ગુજરાતના હોય અને હાલ કેન્દ્રમાં ઉચ્ચ સ્થાને હોવા છતાં આ યોજના હજું સુધી ગુજરાતમાં સાકાર થઈ નથી જસદણમાં પણ એવા કેટલાય પરિવારોની મહિલાઓ છે જે અત્યંત કપરી સ્થિતિમાં જીવી રહી છે પરિવારોની હાલત એક સાંધો તો તેર તૂટે એવી છે ત્યારે ગુજરાતમાં આ યોજના થવાથી મહિલાઓની આર્થિક હાલતમાં સુધારો થઈ શકે કુલસમબેન એ છેલ્લે જણાવ્યું છે કે હાલ ગુજરાત સરકાર મહિલાઓના ઉત્કર્ષ માટે ઘણી યોજના સાકાર કરી છે પણ આ યોજનાઓનો લાભ વગદાર લોકો લઈ રહ્યાં છે આ માટે ગુજરાતની અભણ અને ગરીબ મહિલાઓને કોઈ સીધો લાભ મળતો નથી ત્યારે ગુજરાતની જે અભણ અને ગરીબ ઘરની મહિલાઓને જે લાડલી બેન યોજના યોજના હેઠળ દર મહિને સીધી આર્થિક સહાય આપવામાં આવે તો તેમને જીવનમાં આર્થિક સહાય માટે કોઈના પાસે હાથ ન લંબાવવો પડે તેથી ગુજરાત સરકાર આ લાડલી બેન યોજના તાત્કાલિક ધોરણે શરૂ કરે રાહતભાવે ગેસ સિલિન્ડર આપે એમ અંતમાં રાજ્યના મુખ્યમંત્રી ભુપેન્દ્રભાઈ પટેલને પત્ર લખીને રજુઆત કરી છે.
