બોટાદ જિલ્લાની માર્ગ સલામતીને વધુ સશક્ત અને અસરકારક બનાવવા માટે જિલ્લા માર્ગ સલામતી સમિતિ (DRSC)ની મહત્વપૂર્ણ બેઠક બોટાદ કલેક્ટરના અધ્યક્ષસ્થાને કલેક્ટર કચેરી ખાતે યોજાઈ હતી.
બેઠકનો મુખ્ય હેતુ જિલ્લામાં માર્ગ સલામતી સંબંધિત હાલની કામગીરીની સમીક્ષા કરવી તેમજ આવનારા સમયમાં માર્ગ અકસ્માતો ઘટાડવા માટે હાથ ધરવાના પગલાં અંગે ચર્ચા કરવાનો હતો.બેઠક દરમિયાન એ.આર.ટી.ઓ. બોટાદ દ્વારા તૈયાર કરાયેલ માર્ગ સલામતી કેલેન્ડર–૨૦૨૬નું કલેક્ટરશ્રીના કરકમલોથી વિધિવત ઉદ્ઘાટન કરવામાં આવ્યું હતું. માર્ગ સલામતી અંગે જનજાગૃતિ ફેલાવવાના હેતુસર આ કેલેન્ડર એક નવતર પ્રયાસરૂપે તૈયાર કરવામાં આવ્યું છે,
જેમાં વર્ષભર માર્ગ સલામતીના સંદેશાઓ લોકો સુધી પહોંચે તેવું આયોજન કરવામાં આવ્યું છે.આ માર્ગ સલામતી કેલેન્ડરની વિશેષતા એ છે કે તેમાં શાળાનાં વિદ્યાર્થીઓ દ્વારા બનાવેલ માર્ગ સલામતી વિષયક ચિત્રોનો સમાવેશ કરવામાં આવ્યો છે. વિદ્યાર્થીઓની સર્જનાત્મકતા દ્વારા સલામત વાહનચાલન, ટ્રાફિક નિયમોનાં પાલન અને જવાબદાર નાગરિકત્વ અંગે અસરકારક સંદેશ જનતા સુધી પહોંચાડવાનો પ્રયાસ કરવામાં આવ્યો છે, જે માર્ગ સલામતી માટે એક મહત્વપૂર્ણ પહેલ ગણાય છે.
બેઠકના આગામી તબક્કામાં જિલ્લામાં થયેલા માર્ગ અકસ્માતોની સ્થિતિ, અકસ્માત નિવારણ માટે લેવામાં આવતી કાર્યવાહી, ટ્રાફિક નિયમોના કડક અમલ તેમજ વિવિધ વિભાગો વચ્ચે સંકલન વધુ મજબૂત બનાવવાની બાબતો અંગે વિસ્તૃત ચર્ચા કરવામાં આવી હતી. બેઠકમાં હાજર વિવિધ વિભાગોનાં અધિકારીઓ દ્વારા મહત્વપૂર્ણ સૂચનો રજૂ કરવામાં આવ્યાં હતાં અને માર્ગ સલામતી માટે સહકારથી કામ કરવાની જરૂરિયાત પર ભાર મૂકવામાં આવ્યો હતો.
બોટાદ જિલ્લાની માર્ગ સલામતીને વધુ સશક્ત અને અસરકારક બનાવવા માટે જિલ્લા માર્ગ સલામતી સમિતિ (DRSC)ની મહત્વપૂર્ણ બેઠક બોટાદ કલેક્ટરના અધ્યક્ષસ્થાને કલેક્ટર કચેરી ખાતે યોજાઈ હતી. બેઠકનો મુખ્ય હેતુ જિલ્લામાં માર્ગ સલામતી સંબંધિત હાલની કામગીરીની સમીક્ષા કરવી તેમજ આવનારા સમયમાં માર્ગ અકસ્માતો ઘટાડવા માટે હાથ ધરવાના પગલાં અંગે ચર્ચા કરવાનો હતો.બેઠક દરમિયાન એ.આર.ટી.ઓ. બોટાદ દ્વારા તૈયાર કરાયેલ માર્ગ સલામતી કેલેન્ડર–૨૦૨૬નું કલેક્ટરશ્રીના કરકમલોથી વિધિવત ઉદ્ઘાટન કરવામાં આવ્યું હતું. માર્ગ સલામતી અંગે જનજાગૃતિ ફેલાવવાના હેતુસર આ કેલેન્ડર એક નવતર પ્રયાસરૂપે તૈયાર કરવામાં આવ્યું છે, જેમાં વર્ષભર માર્ગ સલામતીના સંદેશાઓ લોકો સુધી પહોંચે તેવું આયોજન કરવામાં આવ્યું છે.આ માર્ગ સલામતી કેલેન્ડરની વિશેષતા એ છે કે તેમાં શાળાનાં વિદ્યાર્થીઓ દ્વારા બનાવેલ માર્ગ સલામતી વિષયક ચિત્રોનો સમાવેશ કરવામાં આવ્યો છે. વિદ્યાર્થીઓની સર્જનાત્મકતા દ્વારા સલામત વાહનચાલન, ટ્રાફિક નિયમોનાં પાલન અને જવાબદાર નાગરિકત્વ અંગે અસરકારક સંદેશ જનતા સુધી પહોંચાડવાનો પ્રયાસ કરવામાં આવ્યો છે, જે માર્ગ સલામતી માટે એક મહત્વપૂર્ણ પહેલ ગણાય છે.બેઠકના આગામી તબક્કામાં જિલ્લામાં થયેલા માર્ગ અકસ્માતોની સ્થિતિ, અકસ્માત નિવારણ માટે લેવામાં આવતી કાર્યવાહી, ટ્રાફિક નિયમોના કડક અમલ તેમજ વિવિધ વિભાગો વચ્ચે સંકલન વધુ મજબૂત બનાવવાની બાબતો અંગે વિસ્તૃત ચર્ચા કરવામાં આવી હતી. બેઠકમાં હાજર વિવિધ વિભાગોનાં અધિકારીઓ દ્વારા મહત્વપૂર્ણ સૂચનો રજૂ કરવામાં આવ્યાં હતાં અને માર્ગ સલામતી માટે સહકારથી કામ કરવાની જરૂરિયાત પર ભાર મૂકવામાં આવ્યો હતો.
