અખિલ ભારતીય યુવા કોળી સમાજ દ્વારા આવેદનપત્ર પાઠવી પાણીની પરબ શરૂ કરવા માંગ કરાઈ
લીંબડી સેવા સદન અને મામલતદાર કચેરી ખાતે ઉનાળાની કાળઝાળ ગરમીમાં અરજદારોને પડતી મુશ્કેલીઓને ધ્યાને રાખીને અખિલ ભારતીય યુવા કોળી સમાજ દ્વારા લેખિત રજૂઆત કરવામાં આવી છે. કચેરી પરિસરમાં ઠંડા પીવાના પાણીની વ્યવસ્થા ન હોવાને કારણે સામાન્ય જનતાને હાલાકી ભોગવવી પડી રહી હોવાનો આક્ષેપ કરવામાં આવ્યો
લીંબડી તાલુકાના અંતરિયાળ ગામડાઓમાંથી ગરીબ અને મધ્યમ વર્ગના લોકો પોતાના કામકાજ માટે સેવા સદન આવે છે. અહીં પાણીની સુવિધા ન હોવાથી મજબૂરીમાં અરજદારોએ મોંઘા ભાવે પાણીની બોટલો ખરીદવી પડે છે.હાલ ઉનાળાની શરૂઆત થઈ ચૂકી છે ત્યારે કચેરીમાં કામ અર્થે આવતા વૃદ્ધો અને શ્રમિકોને કલાકો સુધી તરસ્યા રહેવું પડે છે, જે સ્વાસ્થ્ય માટે પણ જોખમી સાબિત થઈ શકે છે.યુવા કોરી સમાજ દ્વારા માંગ કરવામાં આવી છે કે કચેરીના પરિસરમાં તાત્કાલિક ધોરણે ઠંડા પાણીના કુલર અથવા પાણીની પરબ શરૂ કરવામાં આવે જેથી કોઈ પણ વ્યક્તિને પાણી માટે ભટકવું ન પડે.”અંતરિયાળ ગામડાઓમાંથી આવતા ગરીબ પરિવારો પાસે પાણીની બોટલ ખરીદવાના પૈસા હોતા નથી. સરકારી કચેરીમાં પાયાની સુવિધા હોવી જોઈએ.” – યુવા કોળી સમાજ પ્રતિનિધિ
મામલતદાર દ્વારા આ રજૂઆતને ગંભીરતાથી લઈ વહેલી તકે પાણીની સુવિધા ઉપલબ્ધ કરાવવામાં આવે તેવી લોક માંગ ઉઠી છે.
