પોલીસ અને પ્રજા વચ્ચેના સંબંધોને વધુ સુદ્રઢ બનાવવા અને નાગરિકોની સુવિધા માટે ગુજરાત પોલીસ દ્વારા ચલાવવામાં આવતા “તેરા તુજકો અર્પણ” અભિયાન અંતર્ગત બોટાદ લોકલ ક્રાઈમ બ્રાન્ચ (LCB) એ પ્રશંસનીય કામગીરી કરી છે. બોટાદ LCB ટીમે ટેકનોલોજીનો ઉપયોગ કરી એક અરજદારનો ખોવાયેલ કિંમતી મોબાઈલ શોધી કાઢી તેમને પરત કર્યો હતો.બરવાળા તાલુકાના નવા નાવડા ગામે રહેતા ઘનશ્યામભાઇ પરશોતમભાઇ મીઠાપરાનો રૂ. ૧૦,૦૦૦/- ની કિંમતનો IQOO કંપનીનો (29X મોડલ) મોબાઈલ ગત તા. ૦૩/૦૭/૨૦૨૫ ના રોજ બરવાળા વિસ્તારમાં બેન્ક ઓફ બરોડાથી મામલતદાર કચેરી જવાના રસ્તા પર ક્યાંક પડી ગયો હતો. મોબાઈલ ખોવાઈ જતા તેમણે પોલીસનો સંપર્ક કર્યો હતો.ભાવનગર વિભાગના પોલીસ મહાનિરીક્ષક તથા બોટાદ જિલ્લા પોલીસ અધિક્ષક ધર્મેન્દ્ર શર્માની સુચના અને માર્ગદર્શન હેઠળ, બોટાદ LCB ના પોલીસ ઇન્સપેક્ટર એ.જી.સોલંકીએ તપાસ હાથ ધરી હતી. પોલીસ ટીમે ભારત સરકારના C.E.I.R. (Central Equipment Identity Register) પોર્ટલનો અસરકારક ઉપયોગ કરી ટેકનિકલ સર્વેલન્સના આધારે આ ખોવાયેલ મોબાઈલ શોધી કાઢ્યો હતો.”તેરા તુજકો અર્પણ” કાર્યક્રમ અન્વયે પોલીસ દ્વારા મૂળ માલિક ઘનશ્યામભાઇ મીઠાપરાને તેમનો મોબાઈલ સન્માનપૂર્વક પરત કરવામાં આવતા, અરજદારે પોલીસની કામગીરી પ્રત્યે આભાર વ્યક્ત કર્યો હતો
કામગીરી કરનાર ટીમ
આ સફળ કામગીરીમાં બોટાદ LCB ના પી.આઈ. એ.જી.સોલંકીના માર્ગદર્શન હેઠળ નીચે મુજબના સ્ટાફે જહેમત ઉઠાવી હતી:હેડ કોન્સ્ટેબલ પુરવભાઇ સોનગરાહેડ કોન્સ્ટેબલ હસુભાઇ જેબલીયાહેડ કોન્સ્ટેબલ પરાક્રમસિંહ ઝાલા
