બગદાણામાં કોળી સમાજના યુવક પર થયેલા જીવલેણ હુમલાને લઈને સમગ્ર બોટાદ જિલ્લા કોળી સમાજમાં ભારે રોષ ફેલાયો છે. આ મામલે તાત્કાલિક અને નિષ્પક્ષ તપાસ કરી આરોપીઓને કડકમાં કડક સજા કરવામાં આવે તેવી માંગ સાથે આજે કોળી સમાજ દ્વારા બોટાદ કલેક્ટરને આવેદનપત્ર આપવામાં આવ્યું છે.બગદાણાના સેવક નવનીતભાઈ બાલધીયા ઉપર તાજેતરમાં થયેલા જીવલેણ હુમલાના વિરોધમાં બોટાદ જિલ્લા કોળી સમાજ દ્વારા એકત્રિત થઈ કલેક્ટરને આવેદનપત્ર સુપરત કરવામાં આવ્યું હતું.
કોળી સમાજના આગેવાનોનું કહેવું છે કે આ હુમલો અત્યંત ગંભીર છે અને આવા કૃત્યોને કોઈપણ રીતે સહન કરવામાં નહીં આવે.કોળી સમાજે માંગ કરી છે કે આ સમગ્ર ઘટનાની ઊંડાણપૂર્વક તપાસ કરવામાં આવે અને દોષિતોને કાયદા મુજબ કડકમાં કડક સજા આપવામાં આવે, જેથી ભવિષ્યમાં આવા બનાવો ફરી ન બને.
