બરવાળા તાલુકાના સાળંગપુર નજીક આજે એક માર્ગ અકસ્માતની ઘટના સામે આવી છે. સાળંગપુર ગુંદા ચોકડી પાસે એક i10 કાર અને ડમ્પર વચ્ચે જોરદાર ટક્કર થઈ હતી. આ અકસ્માતમાં કારમાં સવાર બે વ્યક્તિઓને નાની-મોટી ઈજાઓ પહોંચી છે.પ્રાપ્ત માહિતી અનુસાર, સાળંગપુર ગુંદા ચોકડી પાસે પૂરપાટ ઝડપે આવી રહેલા ડમ્પર અને i10 કાર વચ્ચે અકસ્માત સર્જાયો હતો. ટક્કર એટલી જોરદાર હતી કે કારને નોંધપાત્ર નુકસાન થયું હતું.
અકસ્માતને પગલે આસપાસના સ્થાનિક લોકો તાત્કાલિક મદદ માટે દોડી આવ્યા હતા.કારમાં સવાર બંને ઈજાગ્રસ્તોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે. સદનસીબે, આ ઘટનામાં કોઈ જાનહાનિ થઈ નથી.
