પારસ ગાંધી – સિટી સમચાર બોટાદ
બોટાદ સ્થિત નગર પ્રાથમિક શાળા નંબર 1 ખાતે આંતરરાષ્ટ્રીય વિશ્વ યોગ દિવસની ભવ્ય ઉજવણી કરવામાં આવી હતી. આ કાર્યક્રમમાં શાળાના આચાર્ય દિલીપભાઈ ભલગામિયા ના માર્ગદર્શન હેઠળ તમામ શિક્ષકગણ અને વિદ્યાર્થીઓએ ખૂબ જ ઉત્સાહપૂર્વક ભાગ લીધો હતો.કાર્યક્રમની શરૂઆતમાં યોગનું મહત્વ સમજાવતા જણાવ્યું હતું કે, યોગ એ માત્ર કસરત નથી પરંતુ શરીર, મન અને આત્માને જોડવાનું એક માધ્યમ છે.
શાળાના પ્રાંગણમાં વિદ્યાર્થીઓને વિવિધ યોગાસનો અને પ્રાણાયામનો અભ્યાસ કરાવવામાં આવ્યો હતો. જેમાં મુખ્યત્વે તાડાસન, વૃક્ષાસન, ત્રિકોણાસન અને ભુજંગાસન જેવા આસનોનો અભ્યાસ કરવામાં આવ્યો હતો.
આ ઉપરાંત, માનસિક એકાગ્રતા અને શ્વસનતંત્રની મજબૂતી માટે ભ્રામરી, અનુલોમ-વિલોમ અને કપાલભાતિ જેવા પ્રાણાયામ વિદ્યાર્થીઓ દ્વારા કરવામાં આવ્યા હતા. આજના દોડધામભર્યા જીવનમાં માનસિક શાંતિ અને શારીરિક સ્વાસ્થ્ય જાળવી રાખવા માટે યોગ કેટલા આવશ્યક છે, તે વિશે વિદ્યાર્થીઓને વિશેષ માર્ગદર્શન આપવામાં આવ્યું હતું.વિદ્યાર્થીઓએ ખૂબ જ એકાગ્રતા સાથે યોગાસનો કર્યા હતા, આ સામૂહિક યોગાભ્યાસે ઉપસ્થિત સૌને પ્રેરણા પૂરી પાડી હતી.
આ પ્રકારની પ્રવૃત્તિઓથી વિદ્યાર્થીઓમાં શિસ્ત, સ્વાસ્થ્ય પ્રત્યે જાગૃતિ અને એકાગ્રતા વધે તેવો ઉમદા ઉદ્દેશ્ય આચાર્ય દિલીપભાઈ ભલગામિયા દ્વારા રાખવામાં આવ્યો હતો.આ સફળ આયોજન બદલ આચાર્યશ્રીએ તમામ શિક્ષકો અને વિદ્યાર્થીઓને અભિનંદન પાઠવ્યા હત
