અહેવાલ – પારસ ગાંધી સિટી સમાચાર બોટાદ
સમગ્ર દેશમાં જ્યારે મર્યાદા પુરુષોત્તમ ભગવાન શ્રીરામના જન્મોત્સવની ધામધૂમથી ઉજવણી કરવામાં આવી રહી છે, ત્યારે બોટાદ શહેરમાં પણ રામનવમીના પાવન પર્વ નિમિત્તે સેવાકીય પ્રવૃત્તિઓનો સંગમ જોવા મળ્યો હતો. શહેરના મુખ્ય એવા હવેલી ચોક ખાતે બોટાદ બાબર સમાજ દ્વારા ઠંડા શરબતની સેવાનું સુંદર આયોજન કરવામાં આવ્યું હતું.
ભરઉનાળે રામનવમીની શોભાયાત્રા અને દર્શનાર્થે નીકળેલા શ્રદ્ધાળુઓ માટે આ આયોજન આશીર્વાદરૂપ સાબિત થયું હતું. અંદાજે 1300 જેટલા ભાવિકોએ આ ઠંડા શરબતનો લાભ લઈ તૃપ્તિ અનુભવી હતી.આ સેવા કાર્યને સફળ બનાવવા માટે બાબર સમાજના અગ્રણીઓ અને યુવાનોએ ખભેખભા મિલાવી જહેમત ઉઠાવી હતી. જેમાં ખાસ કરીને,ધર્મેશભાઈઅશોકભાઈપ્રવીણભાઈહિતેનઋત્વિકસુનિલધર્મેશ રોનકવગેરે કાર્યકર્તાઓએ ખડેપગે રહીને તમામ શ્રદ્ધાળુઓને પ્રેમપૂર્વક શરબત પીવડાવી સેવાનો ઉત્તમ ઉદાહરણ પૂરું પાડ્યું હતું. બાબર સમાજની આ કામગીરીને સ્થાનિક રહીશો અને ભક્તોએ બિરદાવી હતી.
