બોટાદ જિલ્લા સહિત સમગ્ર રાજ્યમાં આજે CET એટલે કે કોમન એન્ટ્રન્સ ટેસ્ટની પરીક્ષા યોજાઈ રહી છે. બોટાદ જિલ્લામાં ગઢડા, બોટાદ, બરવાળા અને રાણપુર તાલુકામાં કુલ ૪૬ પરીક્ષા કેન્દ્રો પર પરીક્ષાનો શાંતિપૂર્ણ પ્રારંભ થયો છે.
જિલ્લાના કુલ ૪૦૧ બ્લોકમાં ૧૧,૬૪૮ વિદ્યાર્થીઓ CET પરીક્ષા આપી રહ્યા છે. વહેલી સવારથી જ વિદ્યાર્થીઓ પરીક્ષા કેન્દ્રો પર ઉત્સાહપૂર્વક પહોંચ્યા હતા. કોઈ અઘટિત ઘટના ન બને તે માટે દરેક પરીક્ષા કેન્દ્ર પર પોલીસ દ્વારા ચુસ્ત બંદોબસ્ત ગોઠવવામાં આવ્યો છે.
ઉલ્લેખનીય છે કે CET ની પરીક્ષા ધોરણ ૫ ના વિદ્યાર્થીઓ આપે છે. આ પરીક્ષામાં સફળ થનારા વિદ્યાર્થીઓને રાજ્ય સરકાર દ્વારા આપવામાં આવતી શિષ્યવૃત્તિનો લાભ મળતો હોય છે. જેના કારણે વિદ્યાર્થીઓમાં અને વાલીઓમાં ખાસ ઉત્સાહ જોવા
