શેરબજારના દિગ્ગજ રોકાણકાર અને આશરે 4225 કરોડની નેટવર્થ ધરાવતા આકાશ ભંસાલીના રોકાણવાળી ગુજરાત ફ્લોરોકેમિકલ્સ લિમિટેડના શેરોમાં બુધવારે ઘટાડો જોવા મળ્યો હતો. બુધવારે ગુજરાત ફ્લોરોકેમિકલ્સ લિમિટેડ શેર લગભગ 1.36 ટકાની નરમાઈ સાથે ટ્રેડ થઈ રહ્યા હતા.
બુધવારે બપોરે ગુજરાત ફ્લોરોકેમિકલ્સના શેર ₹2,825ના લેવલ પર કામકાજ કરી રહ્યા હતા. આશરે 3100 કરોડ રૂપિયાનું માર્કેટકેપ ધરાવતી ગુજરાત ફ્લોરોકેમિકલ્સ લિમિટેડના શેરની 52 સપ્તાહની નીચી સપાટી ₹2534 છે.
ગુજરાત ફ્લોરોકેમિકલ્સ લિમિટેડના શેરોએ રોકાણકારોને છેલ્લા 5 વર્ષના ગાળામાં 300 ટકાનુ માતબર રિટર્ન આપ્યું છે. જો આપણે છેલ્લા 1 વર્ષની વાત કરીએ તો ગુજરાત ફ્લોરોકેમિકલ્સના શેર 22 ટકાના નુકસાન પર કામકાજ કરી રહ્યા છે. શેરબજારના દિગ્ગજ રોકાણકાર આકાશ ભંસાલીએ ગુજરાત ફ્લોરોકેમિકલ્સ લિમિટેડમાં 4.8 ટકાની હિસ્સેદારી લીધેલી છે.
ગુજરાત ફ્લોરોકેમિકલ્સ લિમિટેડમા આકાશ ભંસાલીની હિસ્સેદારીની વેલ્યૂ 1473 કરૌડ રૂપિયા છે. આકાશ ભંસાલી પાસે ગુજરાત ફ્લોરોકેમિકલ્સમાં માર્ચ 2022થી જ 4.8 ટકાની હિસ્સેદારી બની રહી છે. ગુજરાત ફ્લોરોકેમિકલ્સ લિમિટેડ એક ઈન્ડિયન કેમિકલ કંપની છે કે જે ક્લોરિન કેમિસ્ટ્રીમાં 30 વર્ષથી વધુનો અનુભવ ઘરાવે છે અને તેમા નિપૂણતા ધરાવે છે.
