શેરબજારના દિગ્ગજ રોકાણકાર અને આશરે 2454 કરોડ રૂપિયાની નેટવર્થ ધરાવતા નેમિષ શાહ ઈનામ હોલ્ડિંગ્સના ડાયરેક્ટર અને કો ફાઉન્ડર છે. નેમિષ શાહ જોખમ લેવાથી બિલકુલ પણ ગભરાતા નથી અને તેઓ શેરોમાં રોકાણ કરીને બમ્પર કમાણી કરવા માટે જાણિતા છે. નેમિષ શાહ પાસે હાલના સમયે છ શેરોમાં હિસ્સેદારી છે. નેમિષ શાહે લક્ષ્મી મશીન વર્ક્સમાં 8.9 ટકા હિસ્સો લીધેલો છે. લક્ષ્મી મશીન વર્ક્સના નેમિષ શાહ પાસે 9.53 લાખ શેર છે જેની વેલ્યૂ આશરે 1274 કરોડ રૂપિયા છે.
બુધવારના ટ્રેડિંગમાં લક્ષ્મી વર્ક્સના શેર 0.5 ટકાની તેજી સાથે ટ્રેડ થઈ રહ્યા હતા અને તે 13356 રૂપિયાના લેવલે હતા. 1425 કરોડ રૂપિયાનું માર્કેટકેપ ધરાવતી લક્ષ્મી મશીન વર્ક્સના શેરોમાં છેલ્લા 6 મહીનામાં રોકાણકારોને 17 ટકા રિટર્ન આપ્યું છે.
બુધવારે 5 એપ્રિલના રોજ ₹9998ના લેવલથી લક્ષ્મી મશીન વર્ક્સના શેરોએ રોકાણકારોને 30 ટકા રિટર્ન આપી દીધું છે. 20 માર્ચ 2020ના રોજ ₹2560ના લેવલથી લક્ષ્મી મશીન વર્ક્સના શેરોએ રોકાણકારોની મૂડી 5 ગણી વધારી દીધી છે. 8 જાન્યુઆરી 1999ના ₹194ના લેવલથી શેરબજારમાં કામકાજની શરૂઆત કરનારી લક્ષ્મી મશીન વર્ક્સના શેરોએ રોકાણકારોને 6750 ટકા મલ્ટીબેગર રિટર્ન આપ્યું છે.
