ફોક્સવેગન ઇન્ડિયા તેની ટાઇગુન એસયુવી પર ખૂબ જ આકર્ષક ઓફર લઈને આવી છે. આ ઓફરને કારણે જો તમે આ કાર EMI પર ખરીદવાનું વિચારી રહ્યા છો, તો તમને 6 EMIનો લાભ મળશે. કંપનીએ ક્રિસમસના અવસર પર ગ્રાહકો માટે એક શાનદાર ફાસ્ટફેસ્ટ ઓફર શરૂ કરી છે. કંપની આ કાર ખરીદનારા ગ્રાહકોને પહેલા 6 EMI મફત આપશે. આનો અર્થ એ છે કે 6 મહિના સુધી ગ્રાહકોને કોઈપણ પ્રકારની EMI ચૂકવવાની ચિંતા કરવાની જરૂર રહેશે નહીં. તમને જણાવી દઈએ કે તેની શરૂઆતની એક્સ-શોરૂમ કિંમત 11.41 લાખ રૂપિયા છે.
ટાઇગુન GT લાઇન 1.0L TSI એન્જિન દ્વારા સંચાલિત છે. તે 6-સ્પીડ મેન્યુઅલ ટ્રાન્સમિશન અને 6-સ્પીડ ઓટોમેટિક ટ્રાન્સમિશન સાથે જોડાયેલ છે. બીજી તરફ, ટાઇગુન જીટી પ્લસ સ્પોર્ટ, 1.5L TSI EVO એન્જિન દ્વારા સંચાલિત છે, જે 6-સ્પીડ મેન્યુઅલ ટ્રાન્સમિશન અને 7-સ્પીડ DSG ટ્રાન્સમિશન સાથે જોડાયેલ છે.
ટાઇગુન GT પ્લસ સ્પોર્ટમાં આકર્ષક રેડ ‘GT’ લોગો, બ્લેક LED હેડલેમ્પ્સ અને રેડ બ્રેક કેલિપર્સ સહિત અનેક એક્સટેરિયર ફીચર્સ છે. ઈન્ટેરિયર ભાગમાં એલ્યુમિનિયમ પેડલ્સ સાથે બ્લેક લેધરના સીટ કવર છે.
ફોક્સવેગન ટાઇગુનને ગ્લોબલ NCAPના અપડેટેડ ક્રેશ ટેસ્ટમાં 5-સ્ટાર સેફ્ટી રેટિંગ મળ્યું છે. ભારતમાં તે હ્યુન્ડાઇ ક્રેટા, કિયા સેલ્ટોસ અને સ્કોડા કુશાક સાથે સ્પર્ધા કરે છે.
