અહેવાલ – પારસ ગાંધી સિટી સમાચાર
તા. ૨૧ જૂન ૨૦૨૬:આંતરરાષ્ટ્રીય વિશ્વ યોગ દિવસ નિમિત્તે શ્રી દેરાળા પ્રાથમિક શાળામાં યોગ કાર્યક્રમનું આયોજન કરવામાં આવ્યું હતું. કાર્યક્રમમાં શાળાના શિક્ષકો, વિદ્યાર્થીઓ તેમજ ગ્રામજનોએ ઉત્સાહપૂર્વક ભાગ લીધો હતો.
કાર્યક્રમની શરૂઆત યોગના મહત્વ વિશે માહિતી આપી કરવામાં આવી હતી. ત્યારબાદ તમામ ઉપસ્થિતોએ સામૂહિક રીતે સૂર્ય નમસ્કાર કર્યા હતા. શિક્ષકોના માર્ગદર્શન હેઠળ વિદ્યાર્થીઓએ વિવિધ યોગાસનો જેવા કે તાડાસન, વૃક્ષાસન, વજ્રાસન અને ભુજંગાસનનું સુંદર પ્રદર્શન કર્યું હતું.
યોગાભ્યાસ દરમિયાન અનુલોમ-વિલોમ, કપાલભાતિ અને ભ્રામરી પ્રાણાયામ પણ કરવામાં આવ્યા હતા. વિદ્યાર્થીઓએ શિસ્તબદ્ધ રીતે યોગ અને પ્રાણાયામમાં ભાગ લઈ સ્વાસ્થ્ય પ્રત્યે જાગૃતિ દર્શાવી હતી
કાર્યક્રમમાં ઉપસ્થિત ગ્રામજનોએ પણ યોગના લાભો વિશે જાણકારી મેળવી અને નિયમિત યોગાભ્યાસ કરવાનો સંકલ્પ વ્યક્ત કર્યો હતો. સમગ્ર કાર્યક્રમ શિક્ષકોના માર્ગદર્શન હેઠળ સફળતાપૂર્વક સંપન્ન થયો હતો.
અંતમાં સૌએ “યોગ કરો, નિરોગી રહો” નો સંદેશ આપતાં વિશ્વ યોગ દિવસની ઉજવણી પૂર્ણ કરી હતી.
